opinions

رسالة مفتوحة للدكتور عمر الرزّاز

Sayed Farah
Sayed Farah

دكتور عمر.. اسمع من اخوك الصغير هالكلمتين.. كثير شباب متأملين فيك خير وأترجّاك ما تخذلهم.. شعبنا غلبان لكن صدّق انه واعي ومقدّر انك رايح تتحارب من مافيات بزنس وينضغط عليك من تيارات سياسية تابعة لدول غنيّة.. الشباب رايحة تكون بظهرك وتدعمك وتبذل النفيس والغالي ع شانك اذا كنت على تواصل معهم واحترمت عقولهم وحكيت معهم بصراحة.. الشباب بدها بطل يرجعلها الامل ويلوّنلها المستقبل بالافعال حتى لو تبلش بخطوات صغيرة.. خلّي هالاجهزة تخف على النقابات وعلى الاحزاب ويسيبوا الناس تتنفّس مثل ما كتب الملك بالاوراق النقاشية.. قول لهم يبلشوا بالمنظمات الاجنبية اللي قاعدة تلعب بعقول الشباب وتفت فلوس عن جنب وطرف وما حد عارف شو اللي بدهم اياه.. عن نفسي وكرَد على حسن نيتك ومبادرتك بسحب مشروع قانون الضريبة سأبادلك بحسن النيّة واعلّق مشاركتي باحتجاجات الرابع ورايح ادعم اي خطوة اصلاحية تخطوها حكومتك الجديدة ومش رايح ارحم خصومك واقلامهم المأجورة لثلاثة اشهر.. ابدأوا بمحاسبة جديّة للفاسدين ومرّة ثانية ما يهمّك الكل رايح يفزعلك لأننا صرنا عارفين كل حيل واساليب ادواتهم الاعلامية ومش رايحين يقدروا يخدعونا ويشوهوا صورتك المهم انت تظل ماشي صح وعلى تواصل معنا

#فزعة_وطن

#اضراب_الاردن

#الدوار_الرابع

م. سايد_فرح

Leave a Reply